Ni-abot ka sa akong kinabuhi
Mi-ingon ka nga mas ako ang imong gipili;
Kahibaw ka samdan ko niadtong tungura
Apan doble pa man diay akong nasinati gikan sa imuha.
Kung unsa kadali ang imong pag-tunga,
Ingun-ana sad kadali ang imung pagbiya ;
Sa usa ka pamilok nahanaw ang tanan
Mga damgo ug mga saad nga atong gisaw-an.
Gisagpa ko sa kamatu-oran nga ikaw ug ako dili angay
Naglaum pa man unta ko nga kitang duha kay magdugay;
Gigunitan nako imong kamot apan ikaw mibuhi
Mitalikod, milakaw ug mibiya gihapon sa uwahi.
Sa imong pagbiya, ayaw nako lingi-a,
Basin ug magpakilu-uy pa unya ko atubangan nimo ug niya;
Nibiya tu-ud ka apan mibilin ug mga tunub sa akong kasing-kasing,
Tunub nga ang panahon ra’y makatambal ug mu-amping.
Sa tanan nako’ng kasinati-an usa ra akong nakat-unan,
Ang hangtud sa kahangturan alang ra gyud diay sa uban;
Ipahuway sa ko ni akong kasing-kasing ug pila ka buwan
Basin pa di-ay ug mapapas ni ang agi sa imu’ng tinumban.
Comments